.
.
الأم
.
هي كيان الاسرة ..
و هي اساسه ..
ان انهدم هذا الكيان انهدم البيت بأكمله ..
يؤسفني جدا ما يتعرض اليه هذا المفهوم في وقتنا الحالي !
حيث ان كثير من الامهات يتبعن سياسة :
و التي سئمت من سماعها ..
عيالي عند خدامتي .. و انا وايد مرتاحة !
.
..
.
كأنها تعبت طوال تلك الشهور كي تسلم فلذة كبدها لشخص غريب ..
اتى من اقصى الدنيا !
لم يتعلم عن اصول التربية شيئا!
ولا يعلم عن مبادئ الحياة و القيم !
الا انه اتى و بقلب متعطش الى ذلك المبلغ الزهيد في نهاية كل شهر !
.
.
.
اشفق على الاطفال عندما اراهم متعلقين في اعناق الخدم !
يؤلمني حديث الامهات عندما تتكلم عن وظيفتها الشاقة و المتعبة !
حيث ان وظيفتها تتطلب منها الحضور صباحا و مساءً !
تستيقظ صباحا الى عملها ..
تعود منهكة من العمل !
تنام قليلا ..
ثم تخرج الى العمل ايضا !
تعود ليلا بعد يوم طويل و شاق !
و عندنا سألتها : و اطفالك ؟
قالت لدى الخدم !
.
.
.
و اخرى ..
خادمة لكل طفل !
و تفتخر بذلك !
فقبل ان يتكون الجنين داخل احشائها قد جلبتها خصيصا له !
.
..
.
منظر متكرر !
يقطع قلبي من الألم !
في المستوصف ..
الطفل يتألم من التعب !
تحضنه الخادمة !
و امه امامها تخاف على ( برستيجها ) امام الناس !
اين رحمة الام !
ان كان في اشد حالته لا يحصل على حضن ينسيه تعبه و ألمه !
و لم يحرك منها ساكنا منظر طفلها المتألم ..
.
.
.
و اخرى تنتظر قبولها في وظيفة !
اناقشها ..
و لم الوظيفة ان كنت لا تحتاجين المال ؟
قالت : مللت من الجلوس في المنزل !
قلت لها و طفلك ؟
قالت : يستيظ صباحا !
تأخذه الخادمة ..
تغير ملابسه ..
يأكل و يلعب قليلا ثوم يعود الى النوم !
و انتِ ؟
ترد قائلة : مالي خلقه !
.
..
.
ان كنا نريد نهضة امة ؟
و صناعة الحضارة ؟
و عودة امة الاسلام الى الصفوف الاولى .
امة معطاءة ..
منارة علم لمن حولها من الامم ..
تضيء حياة البشرية ..
بتعاليم الاسلام السامية ..
من سيزرع هذا في نفوس اطفالنا ؟
من سيغرس في شباب المستقبل هذه المفاهيم ؟
و من سيعلمهم حب هذا الدين ؟
و من سيصد عن ابنائنا السموم التي تأتينا من الثقافات المختلفة !
و من يكون لهم المحضن الدافئ
لتكون تربيتهم سليمة و صحيحة ..
.
.
ان لم تكن وظيفة الام ؟
فوظيفة من تكون ؟
.
.
.
اختلطت المفاهيم ..
و اصبح الخطأ صوابا !
و الصواب عيبا !
نحتاج الى ام تمسك زمام المنزل ..
تلبي حاجات افراده ..
تضيء حياتهم بهجةً و سروراً ..
تعينهم على مشاق هذه الدنيا ..
تخرج للمجتمع مواطنين صالحين ..
و تخرج للأمة قادة ..
يجتثوها من القاع ..
.
..
.
بالطبع انا اؤمن بدور المرأة خارج اسوار المنزل ..
لكن ليس على حساب منزلها ..
و لست ضد وجود الخادمة ..
لكنها تكون عامل مساعد !
و ليس الكل بالكل !
و لا الغي دور الاب ايضا !
فهو مصدر قوة الاسرة ..
و هو الدم الذي يسري في عروقها ..
.
..
.
و هي اساسه ..
ان انهدم هذا الكيان انهدم البيت بأكمله ..
يؤسفني جدا ما يتعرض اليه هذا المفهوم في وقتنا الحالي !
حيث ان كثير من الامهات يتبعن سياسة :
و التي سئمت من سماعها ..
عيالي عند خدامتي .. و انا وايد مرتاحة !
.
..
.
كأنها تعبت طوال تلك الشهور كي تسلم فلذة كبدها لشخص غريب ..
اتى من اقصى الدنيا !
لم يتعلم عن اصول التربية شيئا!
ولا يعلم عن مبادئ الحياة و القيم !
الا انه اتى و بقلب متعطش الى ذلك المبلغ الزهيد في نهاية كل شهر !
.
.
.
اشفق على الاطفال عندما اراهم متعلقين في اعناق الخدم !
يؤلمني حديث الامهات عندما تتكلم عن وظيفتها الشاقة و المتعبة !
حيث ان وظيفتها تتطلب منها الحضور صباحا و مساءً !
تستيقظ صباحا الى عملها ..
تعود منهكة من العمل !
تنام قليلا ..
ثم تخرج الى العمل ايضا !
تعود ليلا بعد يوم طويل و شاق !
و عندنا سألتها : و اطفالك ؟
قالت لدى الخدم !
.
.
.
و اخرى ..
خادمة لكل طفل !
و تفتخر بذلك !
فقبل ان يتكون الجنين داخل احشائها قد جلبتها خصيصا له !
.
..
.
منظر متكرر !
يقطع قلبي من الألم !
في المستوصف ..
الطفل يتألم من التعب !
تحضنه الخادمة !
و امه امامها تخاف على ( برستيجها ) امام الناس !
اين رحمة الام !
ان كان في اشد حالته لا يحصل على حضن ينسيه تعبه و ألمه !
و لم يحرك منها ساكنا منظر طفلها المتألم ..
.
.
.
و اخرى تنتظر قبولها في وظيفة !
اناقشها ..
و لم الوظيفة ان كنت لا تحتاجين المال ؟
قالت : مللت من الجلوس في المنزل !
قلت لها و طفلك ؟
قالت : يستيظ صباحا !
تأخذه الخادمة ..
تغير ملابسه ..
يأكل و يلعب قليلا ثوم يعود الى النوم !
و انتِ ؟
ترد قائلة : مالي خلقه !
.
..
.
ان كنا نريد نهضة امة ؟
و صناعة الحضارة ؟
و عودة امة الاسلام الى الصفوف الاولى .
امة معطاءة ..
منارة علم لمن حولها من الامم ..
تضيء حياة البشرية ..
بتعاليم الاسلام السامية ..
من سيزرع هذا في نفوس اطفالنا ؟
من سيغرس في شباب المستقبل هذه المفاهيم ؟
و من سيعلمهم حب هذا الدين ؟
و من سيصد عن ابنائنا السموم التي تأتينا من الثقافات المختلفة !
و من يكون لهم المحضن الدافئ
لتكون تربيتهم سليمة و صحيحة ..
.
.
ان لم تكن وظيفة الام ؟
فوظيفة من تكون ؟
.
.
.
اختلطت المفاهيم ..
و اصبح الخطأ صوابا !
و الصواب عيبا !
نحتاج الى ام تمسك زمام المنزل ..
تلبي حاجات افراده ..
تضيء حياتهم بهجةً و سروراً ..
تعينهم على مشاق هذه الدنيا ..
تخرج للمجتمع مواطنين صالحين ..
و تخرج للأمة قادة ..
يجتثوها من القاع ..
.
..
.
بالطبع انا اؤمن بدور المرأة خارج اسوار المنزل ..
لكن ليس على حساب منزلها ..
و لست ضد وجود الخادمة ..
لكنها تكون عامل مساعد !
و ليس الكل بالكل !
و لا الغي دور الاب ايضا !
فهو مصدر قوة الاسرة ..
و هو الدم الذي يسري في عروقها ..
.
..
.
رسالة الى كل ام ..
عوامل دمار العقول قد انتشرت..
و المفاهين تغيرت و تبعثرت ..
ان كنتِ حقا تخافين على مملكتك ..
و ان كنت حقا تريدين اسرة ترفعين بها رأسك ..
فلتكون اسرتك تحت نظرك ..
و ليكون قلبك معلق بأبنائك ..
و تكون اسرتك من اهم اولوياتك
.
..
.
:)
..
.
:)
28 comments:
ماتتصورين هالموضوع شكثر يعور قلبي
المشكلة ان الحين صار شي عادي جداَ و كل من قام يقط عياله على الخدم !
ليش انزين يوم ان مالكم خلق عيال و مجابل لا تيبون عيال من اول !!
يحز بخاطري لما اشوف ياهل متعلق بالخدامة اكثر من امه !
مرة بالشالية مجموعة يهال قاعدين يلعبون و اهلهم موجودين بس تدرين شاليه و قعدة و سوالف طاح يهال و تعور و امه مجوده خالاها و راح يركض حق الخدامة يبجي عندها !!!!
ماينلاام اهوا لي تصرف جذي لأن هالانسانه الي مجابلته مو امه هالانسانه الي معاه 24 ساعة لي حس ان محتاج احد بروحلها على طول ! و امه قاعدة ولا هما المشكلة انها ماتحس ! عاااااااادي ولدها يتعور بالطقاق يروح حق الخدامة انا شكو !!!
عيل على شنو اسمج ام !! وين حبج و عطفج على ولدج !!
ناس يقعدون سنييييييين يتمنون يصير عندهم عيال و ناس الله رازقهم بعيال و قاطينهم على الخدم لا حول ولا قوة الا بالله
المشكلة على كثر ماتصيير سوالف و نشوف بلاوي من الخدم من طق و تحرق و تذبح بهاليهال و هم ماكو فايدة هم يقطون عيالهم على الخدم !
الموقف الي يعور القلب اكثر لما تشوفين بنية قمة بالبراءة عمرها سنتين او 3 و شايلها سايق عز الظهر رايح اييب اخوها او اختها من المدرسة و طول ما اهوا شالها يقعد يلعب معاها و يبوسها !
ليش بنيه بهالعمر تخلونها مع الساايق !! حررام و باجر لا قدر الله صار بلاوي يتحسفون ! شيفيد وقتها عاد الندم !
اوكي كلنا نتفق ان الخدامة مهمة للبيت بس كتنظيف و غسيل و من هالامور بس ليش مو شغلتها ان تقعد مع اليهال خصوصاً ان مو عيالها يعني مايهمونها و ماراح تعطف عليهم
بس الحين صار الموضوع كشخة ان عيالي تربيهم خدامة وااي شخباري احنا نربي يهال !!
ربي لك الحمد ! الله يهدي الناس الي جذي تفكيرهم و يحفظ عيالهم من هالخدم
الله يهداج موضوعج وايد شيشني ادري وايد قرقرت سوري بس الموضوع وايد يهقر و للحين ماطلعت الي بقلبي ترا ;p
thanks for this post i love it.
bas for the record i have to say that pregnancy is such a beautiful journey o child care is so natural that u can hardly call it work and that from my studies and my own experience happy children who are raised by their mothers do not get sick and have a very beautiful lively childhood.
being a mother can keep a woman young and happy if she did it right.. thats wht we r designed to do thats how we get emotional and hormonal balance.
and really i dont believe that a house keeper can help in anything to do with the children i have raised 3 children and never needed help other than my husbands and the very very few times my mother or sister baby sat for me.
ok i had to come back for one last thought! a mother who leaves her children with a housekeeper ( calling her a nanny will not help the situation) is hardly merta7a, she turns into a monster in no time, chronic depression, hormonal problems, headaches, the guilt will eat her up from the inside and she will turn into a heartless very short tempered irritable woman , her motherly instincts will be weakened and she will loose her femininity day by day, her relationship with the husband will be shaken.. and of course she is hardly merta7a with unbehaved monkey children throwing tantrums and getting sick because of thier weak immunity system ( since the kids immunity is strengthened by love - breast milk - care - healthy eating which can only be accomplished by a mother who is actually THERE)im very sorry for the long comments :/ the true is .. i do not want to stop typing.
جان زين الكويتية تستعين بالخدم بسبب الوظيفة. غالبية الكويتيات يقطون العيال على الخدم لأنه مالهم خلق.
يااااااااا لهفي عليكِ
يا المييييير
لنا عوده لنسهب يا صديقتي الصدوقة الحنون الرؤوم
:p
مع كل الطُهر:
شهرزاد
؛*
موضوعج يعور القلب وايد
تعالي شوفيهم بالمستشفيات
تعالي شوفي لما وحده ما تقدر تخلي ريلها بالفراش بروحه وولدها سخونه عند الخادمة
تعالي لما وحده تقولج ما عمري غسلت ولدي
تعالي لما وحده تقوللي عيالج كبار لما الحين ينامون بحضنج؟؟؟
أترفع حتي إني أرد عليها لأنها ما تعودت يكونلها حضن صدقيني
لما أذكر شلون إني مرا 13 سنه و لما الحين أنام عند أبوي
أسوي هالشي ويا عيالي
لما ما أطلع من بيتنا إلا عيالي يا عند أمي أو عند يدتهم ما أستانس
اللي ربوا عليه و بطبقونه على عيالهم
شتقولين عن وحده يايبه فليبينيه تعليمها جامعي لأنها ما تعرف انجليزي و مدخله عيالها مدرسه أمريكيه؟؟
أصلا هالموضوع عيزنا نحن فيه
أنا اللي يقطع قلبي لي بنت تتعلق ويا السايق
يا كثرهم تعالي شوفي بالمدارس
تشكيلي المدرسه مالت حضانة عيالي إن فوق العشر يهال أمهاتهم ما طبوا المدرسه
من أول يوم الخادمة
أنا آخذ أسبوع إجازة على ما يبطل بجي
يا ربي يا حبيبي لا تقصي قلبي على عيالي و يبلغني فيهم رياييل و حرمة وحده
هاهاهاها
فعلا .. حطيتي ايدج على الجرح
المسألة ماهي بسيطة
احنا نتكلم عن اجيال جديدة ..راح تتولى البلد
انا ماني عارف .. اذا الوالدين ما عندهم استعداد للتربية .. ليش الخلفة؟؟
من اصدق البوستات الي قريتها
شديتيني كثيرا
الامومه اصبحت عباره عن خطا في التلقيج
اول لما كنت امر على ماكدوناز او اي مطعم بالويك اند انفههههرررر لما اشوف اليهال اشكثرهم مع الخدم!!؟
اقول وين اهاليهم ؟ ويك اند المفروض يطلعون مع بعض ؟؟
و الحين صار عندي ولد و حسيت بمعنى الامومه صج والله ما يهوووون علي اخليه حتى عند الخدامه
اذا انا موجوده ليش اخليه عندها؟
اهيه توكله اهيه تنومه و انا ويني؟؟
امبي الامهات شلون ينسون تعب الولاده؟؟
انتي تعبتي و يبتي هالولد و اخر شي تقطينه عند الخدم؟؟
والله اكره شي عندي لما اشوف ياهل يحب الخدامه
قياديه موضوعج وايد يعور القلب :)
حسيت بكل كلمه كتبتيها
:)
شكرا لج
ما ورا الخدم إلا المصايب ..كلش ما اايد وجودهم بالبيت ..
بالمجمعات و الشوارع آخر الليل يهال ويا الخدم بروحهم ؟!
مفروض الياهل بالبيت الساعة 8
هالامهات اللي ما يبون بتحملون مسئولية عيالهم ..اهما تعودوا لما كانوا صغار انهم مدللين و لا يسون شىء .. فمسؤلية زواج و يهال تصير صدمة بالنسبة لهم حق اللي مو راضية تتأقلم ..و طبعا الاب يتحمل جزء من المسئولية ..
عقب 20 سنة اللي تعب و ربى راح يشوف النتيجة بعينه شخصية متوازنة متميزة ناجحة تعرف دينها :)
موضوع الحديث فيه ذو شجون وكثيرا ما نراه في السوق في المستشفيات في كثير من الأماكن العامة للأسف والمشكلة إذا كانت الخادمه غير مسلمة وهي التي تكون مع الإبن اربع وعشرين ساعة مصيبة كبيرة جدا مابالهم ألايعون إلى خطورة الموضوع!!مصيبة تهون لديها جميع المصائب ثم بعد ذلك تزيد حالات العقوق وتكثر المشاكل الإجتماعية والله المستعان.
امس كنت قاعد اسولف مع الوالد والوالده الله يحفظهم ..
الوالدة قالت لي كان عندي طموح اكمل الدراسة .. بس وقفت عشان اقدر اربي عيالي وهذا كان وايد احسن ..
الخدم عامل مساعد ليس إلا ..
مشكوره وايد على البوست
الحمدلله .. مازال هم الأسرة متوقدا في قلوب البعض :)
أكاد أجزم أن أغلب تفكير بنات اليوم انها تتزوج و لما تنجب عيال تقطهم على الخدامة و تطلع تتفرفر و تسير و زوارات و دوام !
الله يهدي الزوجات و الأزواج علشان أكون حيادي .. لأن الرجل هو من وافق على مثل هذه المصيبة و بصم عليها بمشاهدته الموقف يتكرر و لا يحرك ساكنا ..
فالخطأ مشترك ..
شكرا لإثارة الموضوع
حنان .. كل هذا و ما طلعتي اللي بقلبج؟
:P
.
اختلطت المفاهيم ..
و اصبح الخطأ صوابا !
و الصواب عيبا !
تماااماً تماماً خيتوو والله بالضبط هذا اللي صاير :(
دنيا بالمقلووووووب !
أثر فيني كلامج من قلب .. الله يعين ويستر على الجميع
والله إني أعرف وحده بنتها تعرف تتحجى هندي وما تعرف تتحجى كويتي !! تصوري وصلت فيهم لي هالدرجه ! يعني أوكي قلنا بتخلينها عند الخدامه بس مو إن المره ما تحاجي بنتها حتى آخرتها تخيلي البنيه من من عيادة نفسيه لي الثانيه .. !! امبي صج شي يحز بالخاطر بشكل خيااالي حتى إن في أم كلا تخلي بنتها عند الخدامه والخدامه معلمتها كل طقوس ديانتها مره دشت على بنتها والبنيه يااااهل ولا تسجد حق نااار !! واللي الخدم يعلقون صليب على رقاب عيالهم ّ!!! صراحه شي جد جد جد يغث وهيج الدم بعروقي من فير الله ;p
والله جد إن لم هن يكونوا لأبنائهم فمن !!
الإنسان يحتاج تنغرس فيه أشياء من طفولته ليش الناس يخلون الخدم يغرسونها !
فعلاً حاجات الإنسان من بداية عمره لي بدايته في ظل الوالدين مو بيد من لا يرحم ولا يخشى !!
وبالمناسبه : خدامتنا بتوصل بعد جم يوم ;p
عاد أنا ياهلهم فبيخلوني عندها ;p
بس تبين الصراحه وراح تستغربون أمي هذا أول مره تييب خدامه من يوم تزوجت :)
والحمدلله احنا مرتاحين بدون خدم ونظامنا هيلب يور سيلف ;p
بس الحين بعد الكبر شين يوخيتي أضطرينا نييب خدامه عشان تعطيني حليبي كل صباح قبل لا أروح الكليه ;p
شكراً من الأعماق قياديه
وكما وعدت وفيت ;**
مع إن البوست حرق دمي بس هم عسل دامه من إيدج ;*
Ur Sis : HeNoO ;'*
kL yo0m Ga3deeni Ma aw9eeCh ;p >> at'3shMar yba ;p
نسيت أقوولج عذراً على القرقه والإطاله :$
وسوري إذا في بدليات خبرج سطلت ;p
الموضوع ذو تشعبات كثيرة،، لكن بعيدا عن تلك التشعبات يكمن الحل في أن يكون الانسان في موضع المسؤولية التي وضع نفسه فيها
ربي يوفق الجميع لكل خير آمين
Hanan :
بوحي بوحي ;p
الصراحة ما الووومج !
الموضوع حييل يحرني !!
طلعي الي بقلبج ..
البلوق بلوقج طبجتي ;p
Organic Kuwait :
thanks 4 ur comment and i really appreciate it ..
everything you wrote is true and i agree with you :)
thanks again :)
Anonymous :
ان كان هناك من الامهات من ترمي اطفالها مع الخدم لحالات غير ضرورية !
هناك من تحافظ على ابنائها ..
و تجعلهم في داخل عينها و تغلق عليهم :)
شهرزاد :
وين الي بتبوح !! ;p
حياج الله ;p
Reeema :
و هذي من الامور الي جدا احترمها فيج ..
حرصج على عيالج ربي يخليهم لج و يخليج لهم ..
و الحضن ما يعرف صغير ولا كبير..
يبقى حضن الوالدين غير مهما كبرنا ..
ربي يديم عليج هالقلب الحنون ..
و يبلغج فيهم فردا فردا ..
و تشوفينهم بأعلى المراتب يا رب ;*
عثماني :
هذا السؤال الي يطرح نفسه !
ليش !!
حرام عليهم ربي بحاسبهم على عيالهم ..
شكرا على المرور :)
lawyer :
مهما تشوهت صورة الامومة من قبل البعض ..
الا انها تبقى احلى المشاعر و ارقها و احنها ..
و لم تكن يوما مرتبطة فقط بالانجاب ..
فهي فطرة ربي فطرها في قلب المرأة..
شكرا لج :)
يوميات مغتربة :
يا هلا بالمغتربات الي مجابلين ولدهم الي ميننهم ;p ;p ;p
واااي لا تذكريني بماكدونلز !!
شلون الخدامة تاكل اكل الياهل !!
و تخليه يفففففففففففحط و اهي تسولف بالتلفون !! ;@
اذكر في بوست قديم !
ذكرت ظاهرة العاب السرة !
شي مهووول هناك !
خدم و يهال بروحهم ما سايق !
و يهااااال توهم طالعين على الدنيا هادينهم اهاليهم لا رقيب ولا حسيب !!!
و انا اشهد ..
انج اروع ام حق اروع ولد بالدنيا ;*
ربي يحفظ فهودي حبيبي
و نشوفه معرس ياااا رب ;p
و انا اقرا تذكرت سوالف ميمي !!
heheheheheeheh ;p
eng dalola :
يا هلا ..
وين هالغيبة ؟ ;)
انا اؤمن بالمثل الي يقول !
اذا غاب القط .. العب يا فار !!
اذا غاب الاب عن البيت !
الام بتلعب و تضيع عيالها !!
عيل في ابو !
يهد عياله بالويك اند و يروح الشاليه او الديوانية .. اذا رجع الصبح يعني اسكت هذا طبعا اذا رجع !!
ويك اند واحد كان بها !
الي وراه تترقع و تنبلع بالغصب !!
بس كل اسبووع و بكل عطلة و بكل منااسبة !!
اكيد الام اذا ما حست ان هذا بيت و مسؤولية و ما حست بشعور الامان و الاستقرار بتخلي القرعة ترعى و بالطقاق بالعيال !!
المسؤولية مشتركة اكيد !
حياج الله ;)
صقر قريش :
سواء مسلمة او غير مسلمة !
فالخطأ خطأ !
لكن اكيد اذا كانت غير مسلمة راح تكون المشكلة اعظم بتعليم الابناء معتقدات خاطئة !
شكرا لك :)
molok :
ربي يخليلك الوالدة و الوالد ولا يحرمك منهم ..
اذا الحين كبرتوا و ما عندها مسؤولية اطفال ..
شجعها تكمل دراستها..
العلم ماله وقت :)
حياك الله :)
Kuw_son :
هم الاسرة نبض لا ينقطع في قلوب الاصحاء ..
و ان كان هناك من همها التفرفر !
هناك من همها اسرتها و بيتها ..
اتفق معاك اكيد ..
الخطأ مشترك ..
الاب قبطان المنزل ..
ان غاب ..
ستغرق السفينة ..
شكرا لك :)
و على حنان ..
اذا ما خذت راحتها و طلعت الي بقلبها هني وين تطلعه عيل ..
المكان مكانها ;p ;p
HeNoO :
يا مرحبا و يا مسهلا بالجعدة ;*
حياج الله البيت بيتج ;)
و بيتكم ما شاء الله ربي يحفظ امج يضرب فيه المثل !!
خل تألف كتاب عن تجربتها ;p
مرورج وايد اسعدني ..
لا تقطعين ;)
ظبياني :
اكيد المسؤولية مشتركة لا ننكر ذلك !
لكن اهم يشوفون ان وايد ناس ماشين على هالطريقة و ماشية الامور !
و على قولتك ..
ليش يعورون راسهم !!
شكرا لك :)
salman almulla :
اكيد ..
فكما قال الرسول صلى الله عليه وسلم :
كلكم راع و كلكم مسؤول عن رعيته !
تحمل مسؤولية الامانة الملقاة على كاهل الطرفين ..
هي الحل الامثل !
و اداء هذه المسؤولة بحب و اخلاص ..
و ليس فقط كتأدية واجب و انتهى .
اللهم امين ..
شكرا لك :)
اذا غاب العقل .. غابت التربية
من قلب غابت الكلمات و ما عندي غير صح لسانج ضربتي على الوتر الحساس الأمه تنهار لأن التربيه صارت تاخذ فضول أوقات الأمهات ...
لج كل الشكر
موضوع يعور القلب
ويتصدد عن التفكير بعواقبه الكثير من الامهات يا قياديه
وصدقييينى ماكو ام تسوى جذى مو حاسه بالنتيجه وتترقبها
وتدرى زيين باى اليوم الى تقول فيه حسافه ويا ليت العمر يرجع واعوض تقصيرى بحقهم
الله يهدى الجميع
صح السانج حبيبتى
:*
مفهوم التربية قاعد يضمحل عند ناس وايدين هالسنين ليتحول الى مجرد إعاشة الطفل و توفير المأكل و المشرب و الملبس
و بعدين يطلعون لنا اعضاء فاسدين بالمجتمع
حسبي الله عليهم
3abady :
شكرا لك :)
لين :
معاج حق ..
و شكرا لج على المرور :)
charisma :
نتمنى من كل ام او اب يشعرون بشعور التقصير اتجاه ابنائهم ان يكون هذا الشعور حافز على العمل لتغيير الاوضاع ..
و انهم يهتمون بأطفالهم اكثر ..
و يشعرون بعظم المسؤولية الملقاة على كاهلهم :)
شكرا كريزما على المرور ..
وايد اسعدني درج ;*
حسام بن ضرار :
صح كلامك ..
لما تناقش احد في هذا الموضوع !
يقولك انا ما قصرت عليه بشي !
وفرت له كل شي يبيه ..
بيت و اكل و هدوم و فلوس !!
صحيح هذه من مسؤوليات الوالدين ..
لكن المشاعر و الاهتام لهم دور في التربية ايضا ..
و دور كبير ..
شكرا لك :)
Post a Comment