مزاج الإمتحانات..

لم يكن منزلنا يوما

ذلك المنزل
الذي وقت الامتحانات تتسكر به الابواب

و التلفاز و تنقطع به وسائل الاتصال


بل يمر حاله حال باقي الايام
الا ان مزاج كل شخص يكون مختلف ..
كل شخص في فترة الامتحانات يكون له طقوس معينة يمارسها

او هبات ان صح التعبير




.




.




مزاجي وقت الامتحانات ..



اغير و ارتب غرفتي



اشتري اثاث


او اعيد ترتيب اثاث غرفتي او البيت
و اتفنن بالاكل ..

تطري على بالي امور غريبة


و بقرارة نفسي ما راح ادرس الا لما اكل الشي الي بمزاجي حاليا


سواء اني اطبخ او اني اشتريه




.




..




.




اليوم و ابوي طالع حق صلاة العصر

قلت له : يبا بترجع البيت ولا عندك شغل ؟

قالي شنو تبين

قلت له ابي نوع معين من الكيك من الخباز
قالي بتصورينه ولا بتاكلينه ؟
قلت له لااا هالمرة حق الاكل مو التصوير ;p


قالي ان شاء الله ولا يهمج


.




..




.




اشتطيت




و رحت جهزت القعده على حمام السباحة


و جهزت القهوة
و كان اختيار ابوي اليوم
قهوة تركية




احب هذه اللحظات الي تجمعني مع ابوي

نقاشات بمواضيع مختلفة

نضحك على امور

نصير جد بامور

خذتنا السوالف

و كأن ما عندي امتحان باجر ;p



اعترف

ان كل فتاة بابيها معجبة


الله لا يحرمني منه ..
.

♥

..




.

من الامور الي هبيت فيها فجأة

قعدت امس اسوي رزنامة حق كل شهر

عندي من اول و رديت سويت يدد
و رديت عبيتهم
ما ادري ليش ;p

كل شهر صورة
و كل صورة تدل على شي مميز بالشهر بالنسبة لي


و هذا الموقع :

http://bighugelabs.com/flickr/calendar.php



في احد عنده امتحان باجر ؟


ابدااا ;p











.



..



.







من الامور الي طرت على بالي

كلمات حافظتها من ايام الثانوية

لا اعلم من هو صاحبها





على فكرة



ترى الي يحب ما يكره



و انا حبيتك



و قلبي لا يمكن ينكر العشرة


ترى الي سلمك روحه
و عطاك بلسم جروحه

صعب يحيا الهوى

بروحه مدامك فرحته و عمره

و انا حبيتك
و قلبي لا يمكن ينكر العشرة


تطمن في الحياة قلوب

اذا حبت تحب تذوب

تهيم بعالم المحبوب

و ترفع شانه و قدره

و انا حبيتك

و قلبي لا يمكن ينكر العشرة ..

.

.
..

و المزاج الاخير
اني اكتب بوست بنص الليل :)