قررت اني اكتب !
بس عن شنو راح اكتب بالضبط ؟
كانت الافكار تصول و تجول في رأسي قبل لا افتح البلوق
فتحته و طارت معاه كل الافكار
شفت اخر بوست كتبته
و قلت ابدي من وين !
اخر ما كتبته عن اسطول الحرية
استرجعت الذكريات
و قلت انا من بعد هالموضوع شنو سويت ؟
ليش اختفيت ؟
.
..
.
هل حدث معكم ان تمنيتم امر بينكم و بين نفسكم و صار بدون تخطيط ؟
.
عملي مرتبط بالمدارس
فبما ان فترة امتحانات
شغلنا تقريبا يوقف
و اكره شي ممكن يصير اني اقعد ما عندي شغل !
بالنسبة لي تعذيب !
كنت اداوم لاني لازم اداوم فقط
و كل يوم الصبح
الافكار تروح و ترجع
اداوم ولا لأ ؟ حرام اخلص العرضي !
مرضية؟ ما ينفع الحمدلله مو مريضة
اجازة خاصة ؟ ما تسوى عشان اقعد بالبيت !
انزين شسوي
ما لقيت اي حل !
لم اكن اعلم بذلك التدبير الرباني
لظرف ما
قرر ابي السفر
و لا اردايا قلت بروح معاك !
قلت الجملة لا شعوريا
بدون لا افكر بعواقب هذا الشي !
و صار
سفرة سريعة جدا برفقة ابي الغالي
بدون سابق تخطيط
لكنها هدية ربانية ..
.
تركت الجمل بما حمل مثل ما يقولون
سفرة رتبت بها افكاري
جددت بها نشاطي
و عدت للعمل مرة اخرى
تفاصيل السفرة مع الصور في بوست منفصل ان شاء الله ..
.
..
.
عطلة
من الوظيفة فقط
لكن اموري الاخرى لا تنتهي و لن تنتهي باذن الله ..
هذا الاسبوع حافل
امي تقولي شعندج هالاسبوع ؟
اقولها الجدول سكر خلاص !
طبعا كانت تسئلني مو لانها تبي شي
من باب السوالف فقط :)
الحمدلله على نعمة العمل
الحمدلله على الصحة و العافية
اسأل الله سبحانه القبول
.
.
باقي على مخيم مرتقى 3 ايام فقط
ان شاء الله ..
نصيحة مجرب
الي تقدر تشترك لا تطوف الفرصة :)
2 comments:
إجازة سعيدة! ; )
والله يتمم عليج كل خير :")
كنتى مو عارفه شلون تكتبى.... كتبتى كلماتخارجه منك بدون تخطيط ولكن علمتينا منها شئ بمحض الصدفة .. هو ان العمل اهم شئ فى الحياة
العمل عبادة .... ما اكثر من متعه الإفادة والإستفادة وتأدية الرساله
اتمن ان تكون سفرتك موفقه وممتعه
Post a Comment